Ylli i RB Leipzig, Christopher Nkunku, verën e ardhshme pritet të transferohet te Chelsea.

Sipas gazetës gjermane Bild, 24-vjecari veçse i ka kryer testet mjekësore te klubi londinez dhe në qershor të vitit 2023, Chelsea pritet t’ia paguajë klauzolën e blerjes prej 60 milionë eurove gjermanëve, përcjell arbresh.info.

Ylli francez do të jetë transferimi i parë i Chelseat për sezonin e ardhshëm.

Nkunku është pjesë e Leipzig nga viti 2019, ku dy sezonet e fundit ka shkëlqyer në paraqitjet e tij, madje, sezonin e kaluar, 2021-22 ai u shpall lojtari i vitit nga Bundesliga gjermane. Në atë sezon, në 34 paraqitje ai pati 20 gola dhe 13 asistime, duke qenë shtylla kryesore e këtij klubi. Ndërsa në këtë sezon, Nkunku ka 6 gola dhe një asistim në 11 ndeshje.